Categories
Frétt

Geislinn mætir Leikni í körfubolta

Æfingahúsnæði á HólmavíkKomið er að þriðja leik körfuknattleiksliðs Geislans frá Hólmavík sem leikur í 2. deild meistaradeildar karla. Leikið verður á öðrum af tveimur heimavöllum Geislans, Hagaskóla (Fornhaga 1), og hefst leikurinn kl. 13:00 á morgun, laugardal. Andstæðingarnir eru Leiknismenn sem koma alla leið úr Breiðholtinu.
Liðin hafa bæði unnið einn leik og tapað einum í deildinni, svo búast má við hörkuleik. Heimildir strandir.saudfjarsetur.is herma að mikill hugur sé í Geislamönnum eftir tapleik á dögunum og hafi leikmenn allir nýverið hafið kynlífsbindindi sem ekki verði látið af fyrr en liðið kemst aftur á sigurbraut. Aðgangur er ókeypis og eru Strandamenn hvattir til að mæta og vera með læti.