by 
Leikarinn Daniel Radcliffe sem frægastur er fyrir að leika Harry Potter í samnefndum myndum er nú staddur á Ströndum og með honum er hópur kvikmyndatökumanna. Hafa þeir tekið upp nokkur atriði í næstu Harry Potter mynd í reiðskemmunni á Víðidalsá og einnig ljósmyndir fyrir ýmis auglýsingaplaggöt. Hér til hliðar má sjá eina af þessum myndum af Daniel ásamt hestinum Pjakki sem er í eigu Jóns Arnar Haraldssonar. Í dag klukkan 15:00 verður tekið upp bardagaatriði við Galdrasafnið á Hólmavík og óskar kvikmyndaliðið eftir að allir íbúar á svæðinu sem vettlingi geta valdið mæti þar í upptökur sem eiga að taka um það bil hálftíma, svartklæddir frá toppi til táar.
Ekki er nokkur vafi á að verulegur ávinningur er fyrir Galdrasýninguna og ferðaþjónustu á Ströndum að verða sviðsmynd í Harry Potter mynd og að sögn Jóns Páls Hreinssonar framkvæmdastjóra Markaðsstofu Vestfjarða sem er leiðsögumaður hópsins má búast við verulega auknum ferðamannastraumi eftir að myndin verður frumsýnd.
