Categories
Frétt

Byrjunarörðugleikar í F1 leik strandir.saudfjarsetur.is

Breytingar hafa orðið á innviðum Liðsstjóraleiks F1 með nýjum eigendum, en í þessum leik hafa Strandamenn keppt innbyrðis í deildinni strandir.saudfjarsetur.is nokkur ár. Fjöldi liða í hverri deild er nú takmarkaður við 10 lið, en til að mæta því hafa verið stofnaðar fleiri deildir undir hatti strandir.saudfjarsetur.is og hægt er að skrá sig í. Tilkynning kemur um að deildin sé full þegar menn senda skráningarbeiðni. Viðbótardeildirnar heita strandir.saudfjarsetur.is1 og strandir.saudfjarsetur.is2. Þeir sem vilja keppa við aðra Strandamenn í leiknum og reyna að vinna Formúlubikar strandir.saudfjarsetur.is ættu því að prófa að skrá sig í einhverja af þessum deildum og kerfið finnur sjálfkrafa út hvort þar er laust sæti.

Ef tilkynning kemur um að deildin sé fullskipuð þá er best að reyna við hinar og svo má senda tölvupóst á strandir@strandir.saudfjarsetur.is ef eitthvað er að klikka. Þeir sem eru með fleiri en eitt lið eru beðnir að skrá þau í mismunandi deildir. Hver einstaklingur getur aðeins haft eitt lið í hverri strandir.saudfjarsetur.is deild, og hafa lið verið flutt milli deilda vegna þessa. Þátttakendur sem hafa nú þegar skráð inn fleiri en eitt lið eru sérstaklega beðnir um að athuga það en þeir þurfa að samþykkja breytinguna inni í leiknum svo lið þeirra sé í deild..

Keppnin um Formúlubikar strandir.saudfjarsetur.is verður áfram milli allra liða í öllum strandir.saudfjarsetur.is deildunum, en hæsta stigaskorið samanlagt ræður hver verður handhafi bikarsins eftir keppnistímabilið í haust. Menn verða að skrá sig fyrir miðnætti í nótt ætli þeir að vera með frá upphafi.

Þátttaka í leiknum kostar 1000 krónur fyrir allt tímabilið og hægt er að greiða með kreditkorti eða með millifærslu í banka. Þá er upphæðin lögð inn á reikning 1145-26-114501 kt. 610606-0320 Formula Iceland ehf og sent svo tölvupóst á motorgames@motorgames.eu og þá verður opnað fyrir aðganginn.