Töfrar eða tilviljun?

Í dag urðu þau undur og stórmerki að áttunda undur veraldar, hlaðan við hesthúsin í Skeljavík, var jöfnuð við jörðu og brakið fjarlægt. Mun hlaðan líklega að einhverju leyti enda á áramótabáli Hólmvíkinga þetta árið. Þessi tíðindi berast aðeins sólarhring eftir að vefurinn strandir.saudfjarsetur.is hóf baráttu fyrir því að fá hlöðuna tilnefnda og kosna sem eitt helsta undur veraldar í alheimsvefkosningum. Ritnefnd er mjög brugðið og djúpt hugsi yfir þessum fréttum sem staðfestar eru með myndum af vettvangi. Velkjast menn mjög í vafa um hvort um tilviljun sé að ræða eða hvort tilnefning í þetta kjör um helstu undur veraldar sé tengt einhverjum yfirnáttúrulegum og óútskýranlegum kröftum.

Hlaðan víkur – ljósm. Jón Jónsson.