by 
Sameiginlegt sundmót UDN og HSS verður haldið í Grettislaug á Reykhólum þriðjudaginn 18. október nk. Mótið hefst kl. 17:00 og eru allir boðnir hjartanlega velkomnir. Þeta er tilvalið tækifæri fyrir börn og fullorðna á Ströndum til að sýna hvað í þeim býr, en sundkennsla hefur verið í gangi í nokkrum grunnskólanna á starfssvæði HSS undanfarnar vikur. Menn ættu því að vera í góðu formi. Umf. Afturelding í Reykhólahreppi verður með pylsur og svala til sölu og því er um að gera að smella sér yfir veginn um Arnkötludal og eiga góðan dag á Reykhólum. Skráning fer fram í síma 690-3825 (Herdís).
Greinarnar á mótinu eru eftirfarandi:
8 ára og yngri – 25 m bringusund og 25 skriðsund
9-10 ára – 25 m bringusund, 25 m baksund og 25 m skriðsund
11-12 ára – 50 m bringusund, 25 m baksund, 50 m skriðsund og 25 m flugsund
13-14 ára – 50 m bringusund, 50 m baksund, 100 m bringusund, 50 m skriðsund og 25 m flugsund
15-16 ára – 50 m bringusund, 50 m baksund, 200 m bringusund, 50 m skriðsund og 25 m flugsund
17 ára og eldri – 50 m bringusund, 50 m baksund, 200 m bringusund og 50 m skriðsund
100 m fjórsund (4x25m) flugsund, baksund, bringusund og skriðsund
4×50 m boðsund
