by 
Þorgeir Pálsson hefur verið ráðinn
framkvæmdastjóri Atvinnuþróunarfélags Vestfjarða hf. og mun hefja störf um næstu
mánaðamót. Þorgeir er 44 ára gamall og lauk BS námi í sjávarútvegsfræðum frá
Háskólanum í Bodö í Noregi árið 1988, framhaldsnámi í alþjóðaviðskiptum frá
Norwegian School of Management í Skedsmo í Noregi árið 1989 og er að ljúka MBA námi frá Háskólanum í Reykjavík
innan skamms. Þorgeir hefur m.a. starfað hjá Marel hf., Útflutningsráði Íslands,
ICECON og IMG Ráðgjöf auk þess að hafa verið stundakennari í alþjóðaviðskiptum
við ýmsa skóla undanfarin ár. Þorgeir er Strandamönnum af góðu kunnur en hann á
sumarhús á Hólmavík og á ættir að rekja þangað.
