Eftir vígslu Íþróttamiðstöðvarinnar á Hólmavík í gær bauð Hólmavíkurhreppur gestum í kaffi í félagsheimilinu. Fjölmargir íbúar Hólmavíkur lögðu þar hönd á plóg og sáu um bakstur fyrir uppákomuna. Skemmtiatriði voru á dagskrá í félagsheimilinu og sáu nemendur í Grunnskólanum á Hólmavík um þau öll – þar var boðið upp á tónlistarspuna við tvær gamlar þjóðsögur, söng og atriði úr leikritinu Friðarbarnið. Vonast er til að sýnt verði frá vígslunni í fréttatíma sjónvarpsins í kvöld. Myndirnar hér tóku Ester Sigfúsdóttir og Alfreð Símonarson.
![](wp-content/uploads/atburdir/2005/350-kaffi1.jpg)
Gestir að raða sér í salinn – ljósm. Alfreð
![](wp-content/uploads/atburdir/2005/350-kaffi5.jpg)
Fjölmenni var í kaffinu – ljósm. ES
![](wp-content/uploads/atburdir/2005/350-kaffi3.jpg)
Í röðinni að ná sér í meðlætið – ljósm. ES
![](wp-content/uploads/atburdir/2005/350-kaffi2.jpg)
Söngatriði úr Friðarbarninu – ljósm. Alfreð
![](wp-content/uploads/atburdir/2005/350-kaffi4.jpg)
Tónlistarspuni við gamlar þjóðsögur – ljósm. ES