Gönguskíðamót á annan í páskum

Skíðamót Arionbanka verður haldið í Selárdal við Steingrímsfjörð 28. mars kl. 13. Gengið verður með frjálsri aðferð. Keppt verður í eftirfarandi flokkum og vegalengdum: Karlar 17 ára og eldri 10 km, konur 17 ára og eldri 5 km, 15-16 ára 5 km,  13-14 ára 3,5 km, 11-12 ára 2,5 km, 9-10 ára 2 km og 8 ára og yngri 1 km. Skráning fer fram á staðnum og er mótið öllum opið. Það er Skíðafélag Strandamanna sem stendur fyrir mótinu.