by 
Unnið hefur verið hörðum höndum undanfarna daga við stækkun Galdrasýningar á Ströndum á Hólmavík en á morgun laugardaginn 2. júlí kl. 20:00 verður nýji hlutinn opnaður með skemmtilegri athöfn. Allsherjargoði, Norðlendingagoði og Vestfirðingagoði halda heiðið blót í galdragarðinum í tilefni opnunarinnar. Ástæða þessarar heiðnu áherslu á Galdrasýningunni við opnunina tengist nýja hluta sýningarinnar en þar verður hlautbolli í aðalhlutverki sem er eini gripurinn hér á landi sem fundist hefur hér á landi sem hægt er að tengja heiðnum blótsiðum.
Steinninn hefur síðan verið í margskona rannsóknum í meinafræðum, fornelifafræðum, jarðfræðum og fleira en við rannnsókn meinafræðings kom í ljós að á botni og börmum skálarinnar er að finna ævafornt blóð ogleiddi rannskóknin i ljós að um dýrablóð er að ræða. Merkilegasta lýsingin á hlautbolla er að finna í Eyrbyggja sögu en þar segir m.a.:
"Á stallanum skyldi og standa hlautbolli og þar í hlautteinn sem stökkull væri og skyldi þar stökkva með úr bollanum blóði því erhlaut var kallað. Það var þess konar blóð er svæfð voru þau kvikindi er goðunum var fórnað."
