Fuglarnir í fjörunni

Fuglalífið á Ströndum er í miklum blóma um þessar mundir og ungviðið að komast á legg hjá mörgum tegundum. Fréttaritari strandir.saudfjarsetur.is tók á dögunum myndaröð af nokkrum fuglum í fjörunni á Kirkjubóli og birtist brot af henni hér. Felulitir æðarkollunnar eru aðdáunarverðir og sandlóa og teista taka sig sérlega vel út á mynd. Morgunleikfimin hjá álftinni vekur líka athygli, en myndirnar af álftunum eru teknar við dyngju þeirra í Staðardal. Rétt er að vara þá sem eru á ferðinni við Steingrímsfjörð snemma að morgni við fjölda gæsa og gæsarunga við veginn, auk annarra fugla sem leiðinlegt er að aka á.

Fuglar á Ströndum – ljósm. Jón Jónsson