29/03/2024

Formúlan verður ekki ókeypis

Veigar Arthúr varð formúlumeistari strandir.saudfjarsetur.is í fyrraNú er orðið ljóst að þátttakendur í Formúluleiknum þurfa að greiða fyrir þátttöku á næsta tímabili sem hefst eftir þrettán daga. Ekki hefur verið gefið upp hvað þátttökugjaldið verður nákvæmlega en það verður væntanlega á bilinu 600-800 kr. Heppnir og snjallir þátttakendur geta þó unnið fría þátttöku með því að taka þátt í léttum spurningaleik á vefnum formula.is en nokkrar spurningar verða birtar þar fram að opnun leiksins.

Það er ekki ótrúlegt að eitthvað færri þátttakendur verði í leiknum vegna gjaldtökunnar en formúluleikurinn var afar vinsæll meðal Strandamanna á síðasta ári.

Opnaður hefur verið umræðuvettvangur fyrir þátttakendur í deildinni strandir.saudfjarsetur.is á Spjalltorginu hér á vefsvæðinu.

.

Veigar Arthúr Sigurðsson hlaut farandbikar strandir.saudfjarsetur.is fyrir sigur í deildinni strandir.saudfjarsetur.is á síðasta keppnistímabil. Hver skyldi hampa bikarnum í ár?