19/07/2024

Fjöldi fólks leggur leið sína á Hornstrandir frá Norðurfirði

Mikill fjöldi ferðamanna hafa farið á Hornstrandafriðlandið frá Norðurfirði í sumar en undanfarnar vikur hafa hundruðir útivistarunnenda nýtt sér siglingar Reimar Vilmundarsonar á bátnum Sædís sem getur flutt að allt að 30 manns í einu. Að sögn Reimars hefur verið vel bókað í ferðir í sumar og þurft að bæta við nokkuð af aukaferðum en samkvæmt áætlun er siglt frá Norðurfirði mánudaga, miðvikudaga og föstudaga. Með tilkomu nýja bátsins sem er glæsilegur í alla staði hefur aðstaða bæst til mikilla muna og á stundum má sjá tugi bíla ferðalanga sem staddir eru á Hornströndum, allt að sjötíu, lagt við höfnina á Norðurfirði. Tíðindamaður strandir.saudfjarsetur.is var á ferð í Norðurfirði í lok síðustu viku og hitti áhöfnina á Sædísi þar sem þeir voru að ganga frá eftir annir dagsins og smellti af nokkrum myndum.


Sædís við höfn í Norðurfirði


Brúin í Sædísi

ferdathjonusta/580-saedis-framan.jpg
Farþegarými Sædísar

ferdathjonusta/580-saedis-fartegarymi.jpg
Sædís

ferdathjonusta/580-saedis-nordurfjordur.jpg
Sædís við bryggju í Norðurfirði á Ströndum


Áhöfnin á Sædísi

Ljósm.: Sigurður Atlason