Borgarvirki ehf býður lægst

Borgarvirki ehf í Kópavogi átti lægsta tilboð í vegagerð á Strandavegi (nr 643) eða tæpar 54,6 milljónir, en tilboð í verkefnið voru opnuð í dag. Um er að ræða tæplega 6 kílómetra kafla frá Illaholti að Blæju. Verkinu á að vera að fullu lokið 1. september 2006. Öll tilboð voru yfir áætluðum verktakakostnaði Vegagerðarinnar, en þar var gert ráð fyrir 50,9 milljónum. Aðrir sem buðu í verkið voru KNH ehf á Ísafirði sem bauð tæpar 65,6 milljónir, Fylling ehf á Hólmavík sem bauð rúmar 73,1 milljón og Fjörður ehf í Skagafirði sem bauð tæpar. 74,2 milljónir.