Bikarkeppni HSS á laugardag

Í fréttatilkynningu frá Héraðssambandi Strandamanna kemur fram að Bikarkeppni HSS í knattspyrnu verður haldin laugardaginn 2. júlí. Leikið verður á Skeljavíkurgrundum utan við Hólmavík. Mótið hefst kl. 10:00 stundvíslega. Í tilkynningunni segir: „Skráning verður að fara fram hjá forráðamanni hvers félags og gott væri að nöfn sem flestra leikmanna fylgi skráningunni. Forráðamenn félaganna koma þeim upplýsingum síðan áfram til Þorvaldar Hermannssonar (Tóta), netfang totilubbi@hotmail.com eða síma 451-3370, í síðasta lagi á föstudagskvöld.“