by 
Í síðustu viku hélt Félagsmiðstöðin Ozon og Tónskóli Hólmavíkur glæsilega tónleika í Félagsheimilinu á Hólmavík undir heitinu Tónaflóð. Fjöldi ungra tónlistarmanna sýndi þar listir sínar með hljóðfæraleik og söng. Settar höfðu verið saman margar ólíkar hljómsveitir af þessu tilefni og stigu margir fullorðnir tónlistarmenn á svæðinu með þeim á svið og tóku lagið. Tónleikarnir heppnuðust frábærlega og mæting var með mestu ágætum og styrktu gestir þannig við starfsemi unga fólksins.
Tónaflóð á Hólmavík – ljósm. Jón Jónsson
