Myndir frá Hamingjudögum

Það vill brenna við að ritstjórn strandir.saudfjarsetur.is hafi í helst til mörg horn að líta og þá getur orðið bið á að fréttir og myndir birtist hér á vefnum, jafnvel af hinum merkustu viðburðum. En þá kemur sér vel að fleiri leggja hönd á plóg og tíðindamaður strandir.saudfjarsetur.is í Bæjarhreppi brá sér á Hamingjudaga á Hólmavík sem fram fóru síðastliðna helgi. Mætt var um tvöleytið á laugardeginum, um það leyti sem hátíðardagskráin byrjaði í kirkjubrekkunni og staldrað við fram eftir kvöldi. Veðrið skartaði sínu fegursta fram eftir degi, en hafgolan heilsaði með þoku er leið á kvöldið. Fjöldi gesta var mættur á svæðið og það má segja að allur bragur hátíðarinnar hafi verið Hólmvíkingum til sóma þennan dag, eins og sjá má á myndum á vefnum sgverk.com.