by 
Jón Jónsson marði sigur á Halldóri Loga Friðgeirssyni í tippleik strandir.saudfjarsetur.is um síðustu helgi. Jón stóð uppi sem sigurvegari með sex stigum gegn fimm og vann því sinn þriðja andstæðing í leiknum. Það vakti athygli að Liverpool-maðurinn Halldór fór flatt á því að spá erkifjendunum í Everton sigri, en þeir áttu ekki roð í sprækt Tottenham sem Jón spáði sigri. strandir.saudfjarsetur.is þakka Halldóri kærlega fyrir þátttökuna í leiknum, en hann hefur ákveðið að skora á frænda sinn, Höskuld Búa Jónsson Drangsnesing og jarðfræðing á Akureyri að reyna að vinna Jón um komandi helgi. Það kemur því fljótlega í ljós hvort Höski hefur það sem til þarf til að sigra Jón, en spár þeirra verða birtar hér á vefnum á föstudaginn. Hér neðar má sjá árangur keppenda í leiknum til þessa, en þar er Jón kominn með gott forskot:
Árangur giskara hingað til:
1. Jón Jónsson – 3 sigrar
2. Þröstur Áskelsson – 0 sigrar (3 jafnt.)
3. Halldór Logi Friðgeirsson – 0 sigrar (2 jafnt.)
4. Björn Fannar Hjálmarsson – 0 sigrar
