Categories
Frétt

Bílvelta í Norðdal

Bíll valt á hliðina í Norðdal í dag, á leiðinni niður af Steingrímsfjarðarheiði. Hálka var og snerist bifreiðin á veginum áður en hún fór útaf. Bifreiðin var ökufær eftir að bílstjórinn hafði fengið aðstoð við að koma henni á hjólin aftur. Rétt er að benda fólki á að hyggja vel að veðurspá áður en lagt er í ferðalög. Vegur er nú víða orðinn auður á láglendi, en það getur breyst og hálka myndast á skammri stundu. Hrafnar klökta til beggja átta á húsahlöðum sveitabæja, sem þykir öruggt merki um rysjótta tíð á næstunni.