Tannhvöss tengdamamma?

Ásdís Jónsdóttir á góðan séns á að ná Jóni Jónssyni að stigum í tippleik strandir.saudfjarsetur.is. Til þess þarf hún þó að yfirstíga erfiða hindrun, en mótherji hennar þessa leikviku er enginn annar en tengdasonur hennar – Haraldur V.A. Jónsson, smiður, trésmiðjueigandi og oddviti á Hólmavík. Haraldur varð þekktur fyrir lipra takta með Geislanum í fjórðu deildinni í den, en hefur snúið sér að hamrinum og pólitíkinni í seinni tíð. Spár þeirra Ásdísar og Hadda eru svipaðar að mörgu leyti en sex leikir skilja þó í sundur. Haddi spáir meðal annars því að Liverpool kræki í stig á útivelli gegn væntanlegum meisturum Chelsea og grípur til smíðakunnáttunnar í síðasta leiknum, en þar hrynja milliveggir og Millwall tapar. Spárnar og umsagnir má sjá hér fyrir neðan: