by 
Það er jafnan handagangur í öskjunni á öskudaginn. Þá streyma börnin út á göturnar í þéttbýlinu og rölta milli fyrirtækja og syngja fyrir starfsfólkið, því til hinnar mestu gleði og ánægju. Margvísleg lög voru á dagskránni hjá þeim sem heimsóttu Þróunarsetrið á Hólmavík í dag og jafnvel voru flutt frumsamin ljóð. Allir fengu nammi og gleðin sveif yfir vötnum. Fréttaritari strandir.saudfjarsetur.is tók myndir af nokkrum börnum sem sungu fyrir sælgæti á Hólmavík í dag.
Sungið fyrir sælgæti á Hólmavík – Ljósm. Jón Jónsson
