by 
Á spjalltorgi strandir.saudfjarsetur.is hér til vinstri hliðar er einn liður sem heitir Samgöngutorgið. Þar inni geta notendur vefsins leitað eftir lausu fari hingað og þangað um landið með því að senda inn litla tilkynningu um hvert ferðinni er heitið og skilið eftir upplýsingar hvernig hægt er að ná í viðkomandi.
strandir.saudfjarsetur.is er kunnugt um að á þeim fáu vikum sem vefurinn hefur verið í notkun hafi þó nokkrum aðilum boðist far með þessu móti. Þessi aðferð er til mikilla þæginda fyrir alla aðila sem hafa áhuga á að nýta betur umferð, oft á tíðum hálftómra bíla, um þjóðvegi landsins. Auk þess sem samnýting bíla er vistvæn og hagkvæm að öllu leyti.
Ökumenn geta einnig nýtt sér Samgöngutorgið á strandir.saudfjarsetur.is og freistað þess að fá skemmtilegan félagsskap á ferðalaginu og stytt sér stundir eða jafnvel lækkað ferðakostnaðinn.
