by 
Klippt var á borða við hátíðlega athöfn við nýja brú yfir Hrútafjarðará í gær, þar sem nýr vegur hefur verið lagður og opnaður um botn Hrútafjarðar. Færist veglína hringvegarins inn á nýja veginn og vegamótin norður á Strandir eru nú fjórum kílómetrum norðar en áður. Við þessa breytingu færist síðasta einbreiða brúin á hringveginum milli Reykjavíkur og Akureyrar út fyrir hann og er leiðin yfir einbreiðu brúna á Síká nú innansveitarvegur. Fréttaritari strandir.saudfjarsetur.is var á staðnum og smellti af nokkrum myndum. Brúarskáli og Staðarskáli hafa einnig vikið fyrir nýjum söluskála með nafni Staðarskála við vegamótin í botni fjarðarins.
Tvíbreið brú yfir Hrútafjarðará kemur í stað gamallar brúar yfir Hrútafjarðará og einbreiðu brúna yfir Síká sem báðar voru slysastaðir
Góðkunningjar Strandamanna – Sturla Böðvarsson ásamt Bjarna Stefánssyni sýslumanni og lögreglustjóra á Blönduósi
Hátíðleg stund – vegalagning í Hrútafjarðarbotni var kannski ekki stórkostleg vegarframkvæmd í sjálfu sér miðað við margar aðrar, en leiðinda slysastaðir færast út fyrir hringveginn
Fjölmenni var mætt á staðinn og viðstatt athöfnina
Tveir vegamálastjórar klipptu á borðann – Jón Rögnvaldsson fv. vegamálastjóri og Hreinn Haraldsson núverandi vegamálastjóri
Ljósm. Matthías Lýðsson
