Jón Gísli sigraði í Formúluleiknum

Keppni í Formúluleik strandir.saudfjarsetur.is lauk um helgina þegar síðasta mótið í Formúlu ársins var haldið í Kína. Þar brunaði Alonso glaðbeittur í mark og tryggði Renault heimsmeistaratitil bílasmiða, en áður hafði hann unnið sama titil í flokki ökumanna. Í Formúluleiknum sjálfum, þar sem á fjórða tug Strandamanna leiddu saman hesta sína í deildinni strandir.saudfjarsetur.is og kepptust við að setja saman sigurstranglegt formúlulið, stóð Jón Gísli Jónsson á Hólmavík uppi sem sigurvegari. Hann náði forskoti strax í fyrstu keppni í vor og hélt henni út tímabilið af miklu harðfylgi. Deildin strandir.saudfjarsetur.is varð síðan í öðru sæti í sveitakeppni á landsvísu af 394 sveitum sem skráðar voru til leiks.

3467 manns kepptu í þessari keppni á landsvísu og endaði Jón Gísli í 41. sæti, en var á tímabili í 10. sæti. Fær Jón Gísli veglegan farandbikar að launum til varðveislu í eitt ár, en síðasta árið hefur Veigar Arthúr Sigurðsson haft bikarinn uppi á hillu hjá sér. Hann lenti í 14. sæti í deildinni að þessu sinni. Röð 10 fyrstu keppenda í deildinni strandir.saudfjarsetur.is var annars þessi:

Á slóðinni http://lidsstjorinn.formula.is má fræðast meira um þennan leik sem verður endurtekinn að ári.