Héraðssamband Strandamanna opnar vef

Héraðssamband Strandamanna hefur nú opnað vefsíðu um starfsemi sambandsins á slóðinni www.123.is/HSS. Á síðunni kemur m.a. fram að nú standa yfir skráningar á Barnamót HSS sem haldið verður á Sævangsvelli miðvikudaginn 25. júlí. Einnig stendur yfir skráning á Unglingalandsmót sem haldið verður á Höfn í Hornafirði um verslunarmannahelgina. Hægt er að skrá sig til leiks hjá Kolbeini í síma 692-3334 til þriðjudagsins 24. júlí, sem er einmitt í dag.