23/04/2024

Hálf Vasa í dag

Í dag, 1. mars, er stór dagur hjá Rósmundi Númasyni skíðagöngugarpi og Strandamanni sem keppir þetta árið í svokallaðri Hálf-Vasa sem er hluti af Vasagöngunni í Svíþjóð. Byrjað var að ræsa í keppnina klukkan 7 í morgun og er Rósmundur kominn vel af stað, en samtals er vegalengdin 45 kílómetrar. Hægt er að fylgjast með keppninni og gangi mála hjá einstökum keppendum á vefnum og er Rósmund að finna undir þessum tengli. Ritstjórn strandir.saudfjarsetur.is er ekki kunnugt um fleiri Strandamenn sem taka þátt að þessu sinni.