Auglýst eftir sveitarstjóra í Strandabyggð

Starf sveitarstjóra í Strandabyggð hefur verið auglýst laust til umsóknar, en Ingibjörg Valgeirsdóttir sem hefur verið sveitarstjóri frá 2010 lætur af störfum í sumarlok. Í auglýsingu frá Strandabyggð kemur fram að leitað er eftir kraftmiklum og áhugasömum einstaklingi til að takast á við krefjandi verkefni. Umsóknarfrestur er til 11. júní og sér Hagvangur um ráðningarferlið fyrir sveitarstjórn Strandabyggðar.

Starfsvið sveitarstjóra:

• Daglegur rekstur sveitarfélagsins og ábyrgð á framkvæmd ákvarðana sveitarstjórnar
• Yfirumsjón með skipulagi og virkni stjórnsýslu sveitarfélagsins og starfsmannamálum
• Náið samstarf við sveitarstjórn, undirbúningur og upplýsingagjöf á fundum sveitarstjórnar
• Annast upplýsingamiðlun og samskipti við samstarfsaðila, stofnanir, samtök, fyrirtæki og íbúa
• Að gæta hagsmuna Strandabyggðar út á við, vera talsmaður sveitarstjórnar og vinna að framfaramálum
• Stefnumarkandi vinna og mótun framtíðarsýnar í ólíkum málaflokkum

Helstu kostir sveitarstjóra:

• Hæfni í mannlegum samskiptum
• Leiðtogahæfni, frumkvæði og hugmyndaauðgi
• Hæfni til að tjá sig í ræðu og riti
• Áhugi á uppbyggingu samfélagsins, kynningarmálum, ímynd og stefnumótun
• Reynsla af bókhaldi, stjórnun og rekstri
• Þekking á sveitastjórnarmálum og opinberri stjórnsýslu
• Háskólamenntun sem nýtist í starfi

 Nánari upplýsingar: Rannveig Jóna Haraldsdóttir, rannveig@hagvangur.is
Umsóknarfrestur: Til og með 11.6.2012