38 milljónir úr Jöfnunarsjóði

Ráðgjafarnefnd Jöfnunarsjóðs sveitarfélaga hefur samþykkt áætlun um úthlutun svokallaðra útgjaldajöfnunarframlaga á árinu 2005 og félagsmálaráðherra hefur samþykkt þessa tillögu ráðgjafarnefndarinnar. Samkvæmt áætluninni fá sveitarfélög á Ströndum rúmar 38 milljónir í útgjaldajöfnunarframlög, Hólmavíkurhreppur fær mest eða rúmar 22 milljónir. Stærstu póstarnir í þessum framlögum tengjast íbúafjölda, skólaakstri í dreifbýli sem Jöfnunarsjóðurinn greiðir fyrir að mestu leyti og fjarlægðum innan sveitarfélaga, eins og fram kemur í töflu hér á eftir.

 Þessi framlög til sveitarfélaganna fyrir einstaka þætti í rekstri þeirra eru greidd mánaðarlega og uppgjör er gert í desember.