by 
Einstök veðurblíða var á laugardaginn á Hamingjudögum, án efa besti dagur sumarsins á Ströndum. Gestir Hamingjudaga nutu lífsins, tóku þátt í smiðjum og gönguferðum, röltu um hátíðarsvæðið, skoðuðu sýningar, fóru í leiki og fylgdust með eða tóku þátt í margvíslegum viðburðum. Um kvöldið var dagskrá á sviði við Klifstún, sannkallaðir Hamingjutónar, þar sem heimamenn sýndu hvað þeir kunna fyrir sér á tónlistarsviðinu. Síðan tóku við tónleikar Jóns Halldórssonar í Bragganum og loks dansleikur með Hljómsveit Geirmundar Valtýssonar.
Svipmyndir – ljósm. Jón Jónsson
