Tilboð opnuð í veg um Hrútafjarðarbotn

Í dag voru opnuð tilboð í vegagerð í Hrútafjarðarbotni þar sem hringvegurinn verður færður til, þannig að leiðin milli Stranda og Húnaþings styttist um 8,5 kílómetra og vegamót Djúpvegar nr. 61 og Hringvegarins færast niður í fjarðarbotninn. Eins og komið hefur fram verður í tengslum við þessa breytingu byggður nýr Staðarskáli við nýju vegamótin, en Brúarskáli mun heyra sögunni til því vegur mun liggja yfir staðinn þar sem skálinn stendur nú. Átta tilboð bárust, en lægsta boð í veginn áttu Skagfirskir verktakar hf eða rúmar 163,2 milljónir. Kostnaðaráætlun Vegagerðarinnar hljóðaði upp á tæpar 218,6 milljónir.

Samkvæmt útboðinu skal útlögn klæðingar lokið fyrir 15. september 2008 og verkinu í heild fyrir 1. nóvember 2008.

Tilboð voru sem hér segir (heimild: www.vegagerdin.is):