Tilboð í veginn um Arnkötludal opnuð

Verktakafyrirtækið Ingileifur Jónsson ehf átti lægsta boð í vegagerð um Arnkötludal, sem tengir saman Reykhólasveit og Steingrímsfjörð. Boðið hljóðaði upp á tæpar 662 milljónir og er 76,5% af áætluðum verktakakostnaði Vegagerðarinnar sem er upp á tæpar 866 milljónir. Átta tilboð bárust í verkið og var Ístak með hæsta boðið upp á 879 milljónir rúmar. Verkinu á að ljúka í september 2009.