Skorað á skólastjóra

Jón Eðvald Halldórsson bar sigur úr býtum í tippleik strandir.saudfjarsetur.is á laugardaginn var. Fórnarlamb helgarinnar var Smári Gunnarsson sem er þakkað kærlega fyrir þátttökuna og einstaklega skemmtilegar spár að undanförnu, en Smári tók tapinu af mikilli yfirvegun og karlmennsku að Strandamanna sið. Sigur Jóns var býsna naumur; lokatölur voru 9-8. Smári hefur þegar skorað á Kristján Sigurðsson, aðstoðarskólastjóra á Hólmavík, að keppa við Jón, og það verður að teljast harla ólíklegt að Kristján skorist undan enda mikill keppnismaður þar á ferðinni. Hér fyrir neðan má sjá úrslit helgarinnar, stöðuna í leiknum og upplýsingar um meðalfjölda réttra leikja, en þar trónir Jón Eðvald á toppnum með 8.5 rétta að meðaltali:

Árangur tippara hingað til:
1. Jón Jónsson – 4 sigrar (5 jafnt.)
2. Höskuldur Birkir Erlingsson – 2 sigrar (1 jafnt.)
3. Smári Gunnarsson – 1 sigur (2 jafnt.)
4. Jón Eðvald Halldórsson – 1 sigur (1 jafnt.)               
5. Þröstur Áskelsson – 0 sigrar (3 jafnt.)
6. Halldór Logi Friðgeirsson – 0 sigrar (2 jafnt.)
7-9. Björn Fannar Hjálmarsson – 0 sigrar
7-9. Höskuldur Búi Jónsson – 0 sigrar
7-9. Guðmundína A. Haraldsdóttir – 0 sigrar

Meðalfjöldi réttra leikja (aðeins hjá þeim sem hafa lokið fleiri en einni umferð):
1. Jón Eðvald Halldórsson – 8.5 réttir (2 keppnir)
2. Smári Gunnarsson – 7 réttir (4 keppnir)
3. Höskuldur B. Erlingsson – 6 réttir (4 keppnir)
4. Halldór Friðgeirsson – 5.7 réttir (3 keppnir)
5. Jón Jónsson – 5.3 réttir (10 keppnir)
6. Þröstur Áskelsson – 4.5 réttir (4 keppnir)