by 
Á morgun stendur Hólmavíkurhreppur fyrir hreinsunarátaki með íbúum Hólmavíkur. Reiknað er með að sem flestir hafi hafist handa kl. 13:00 við að mála, slá, girða eða annað sem þarf að gera í hverfunum. Hverfastjórar sjá um framkvæmd og skipulagningu. Starfsmenn hreppsins verða á ferð og flugi við að hirða rusl og garðaúrgang. Klukkan 18:00 hittast svo allir upp við Félagsheimili og klappa hvor öðrum á bakið um stund fyrir dugnaðinn en hreppurinn sér um að heitt grill verði til staðar. Fólk þarf að hafa með sér mat á grillið, tjaldborð, drykkjarföng og góða skapið. Þess má geta að veðurspáin býður upp á mikið útipartý. Skipað hefur verið í hverfanefndir og eftirtaldir aðilar eru hverfastjórar – sem ber að virða og dá í hvívetna. (Innskot: SA)
Lækjartún og Vesturtún: Birna og Eysteinn
Víkurtún: Bryndís og Björn
Austurtún og Hafnarbraut utan KB-banka: Bjössi Péturs og Valdemar
Miðtún: Gunný
Borgabraut: Rúna Stína og Þorbjörg
Brattagata, Snæfell, Bræðraborg og Kópnesbraut: Sólrún og Mundi Páls
Höfðagata: Ásdís og Halla
Hafnarbraut innan KB-banka: Þorsteinn og Daníel
Skólabraut: Lára Guðrún
Vitabraut: Inga og Villi
Myndin er tekin yfir innsta hluta Hólmavíkur úr kirkjuturninum síðasta sumar
