by 
Hafþór Þórhallsson hefur ekki setið auðum höndum í vor, en hann hefur tekið hluta af húsinu Ráðaleysi á Hólmavík til gagngerra endurbóta, en þar er einnig beitningaaðstaða. Hefur Hafþór nú opnað handverksbúð í húsinu og er mikið úrval af margvíslegum tálguðum fuglum úr íslensku birki á boðstólum. Vinnustofan er jafnframt í húsnæðinu og þegar vel viðrar sest Hafþór út á stétt á bak við húsið og tálgar í góða veðrinu. Það er ljóst að margir munu líta við í Handverkshúsi Hafþórs í sumar og fylgjast með listamanninum að störfum.
Unnar Ragnarsson og Hafþór steypa stétt bak við húsið, enda kemur töluvert af gestum inn bakdyramegin
Fuglarnir hans Hafþórs eru víðfrægir og margir sem safna þeim, enda einstök listasmíð
Verslunin er hin vistlegasta
Efniviðinn má ei vanta, Hafþór ætlar að einbeita sér að framleiðslunni næstu vikur, en láta frekari framkvæmdir við húsið bíða um sinn
Hafþór glaður í bragði úti á stétt að tálga í sólinni
– ljósm. Jón Jónsson
