by 
Í
tengslum við sýningu Hafnarborgar, menningar- og listamiðstöðvar Hafnarfjarðar, sem ber yfirskriftina Lífróður, heldur
Þjóðfræðistofa málþing í Hafnarborg um hafið í orðræðu og sjálfsmynd Íslendinga. Þar munu
fræði- og listamenn koma saman og ræða inntak sýningarinnar ásamt
aðstandendum hennar. Þá verður víða leitað fanga og velt upp spurningum bæði
um skynjun okkar á ytri veruleika hafsins sem og merkingu þess í hugum fólks
og menningarlífi. Umsjón með málþinginu hefur forstöðumaður Þjóðfræðistofu,
Kristinn Schram. Málþingið verður 5. september frá kl. 13-15:30.
Fyrr í sumar var haldið stefnumót listamanna á Ströndum í tengslum við
málþingið og sýninguna í Hafnarfirði og verður framhald á þeirri vinnu.
Dagskrá málþingsins 5. september:
Ólöf K. Sigurðardóttir,
forstöðumaður Hafnarborgar,
Ávarp um hafið og sýninguna Lifróður
Kristinn
Schram, forstöðumaður Þjóðfræðistofu
Lagt úr höfn
Ingibjörg Þórisdóttir,
dramatúrg:
“Logn er fyrir lyddur”: íslensk leikrit og hafið
Terry Gunnell,
þjóðfræðingur:
Innrás hinna utanaðkomandi dauðu: sagnir um sjórekin lík á
Íslandi
Sigurjón B. Hafsteinson, mannfræðingur:
Ótti af
hafi
Úlfhildur Dagsdóttir, bókmenntafræðingur (með
tónlistarflutningi Svavars Knúts):
“Og nýja í næstu höfn…”: staða og ímynd
kvenna í sjómannalögum
Haraldur Jónsson, myndlistarmaður:
Að ganga í
sjóinn. Vangaveltur um það sem umkringir okkur
Hlynur Hallsson,
myndlistarmaður
Tungumál, stjórnmál, sjómennska og myndlist
Dorothée Kirch
og Markús Þór Andrésson, sýningarstjórar,
Sagt frá sýningunni
Spjall með
fyrirlesurum og aðstandendum sýningarinnar
Þjóðfræðistofa: www.icef.is
Nánar um sýninguna: www.hafnarborg.is
