by 
Nú stendur yfir fjölmiðlavika í Grunnskólanum á Hólmavík og mikilvægur hluti af henni er útvarpsútsending undir heitinu Lífæðin – útvarp Hólmavík FM 97,5. Verkefnið er unnið í samvinnu við Lífæðina í Bolungarvík og hófust útsendingar í gær. Fjölbreytt dagskrá er framundan þessa viku og næstu þar sem nemendur sjá um eigin útvarpsþætti með aðstoð starfsmanna skólans. Við hvetjum alla til að hlutsta á FM 97,5 og hringja inn í s. 451-3429. Dagskrána má finna á vef skólans www.strandabyggd.is/grunnskolinn.
Enn er einhverjir dagskrártímar lausir á Lífæðinni – útvarp Hólmavík FM 97,5 og eru allir sem áhuga hafa á því að taka þátt í dagskránni beðnir um að hafa samband á netfangið skolastjorar@holmavik.is eða í s. 451-3129.
