Kökusala í anddyri KSH í dag

Nemendur í 8. og 9. bekk Grunnskólans á Hólmavík standa fyrir kökubasar í anddyri Kaupfélags Steingrímsfjarðar í dag, föstudaginn 13. nóv. Eru þeir að safna fyrir Danmerkurferð sem fyrirhuguð er næsta haust, en gagnkvæmar og árlegar heimsóknir við vinabæ Hólmavíkur í Danmörku hafa sett svip á skólastarfið á Hólmavík. Hefst kökusalan kl. 14:30 og einnig verður á boðstólum harðfiskur, lakkrís og plastpokar. Í verslun KSH verður einnig mikið um að vera, enda er lokadagur orgelvikunnar, en 10% af innkomu í búðinni á Hólmavík fer í orgelsjóð fyrir Hólmavíkurkirkju þessa viku.