by 
Vegna hráefnisskorts bendir nú allt til þessa að hætta þurfi vinnslu hjá Hólmadrangi ehf. eftir viku eða tvær. Gunnlaugur Sighvatsson framkvæmdastjóri sagði að, hráefnisverð hafi hækkað um og yfir 30 % en afurðaverð hafi ekki hækkað sem neinu nemur, og á þessum tíma væri mjög erfitt að fá hráefni. Gunnlaugur sagði jafnframt að þessi lokun væri tímabundin og vonandi þyrfti ekki að koma til hennar. Á síðasta ári var unnið úr yfir 6000 tonnum af hráefni sem gaf um 2500 tonn af fullunninni afurð. Það má til gamans geta þess að þegar veiðar á innfjarðarækju stóðu sem hæst var veiðin í öllum Húnaflóa mest um 3000 tonn og um einn fjórði af þeim afla kom til vinnslu á Hólmavík eða 750 tonn.
Sigurlaug Stefánsdóttir sér um gæðaeftirlitið
Ragnheiður Gunnarsdóttir sér um matinn í hádeginu
Pétur Matt sér um að pakka rækjunni í neytendaumbúðir
