Fundur í dag vegna Perlan Vestfirðir

Fundur verður haldinn á Café Riis á Hólmavík í dag þar sem farið verður yfir aðkomu Strandamanna á stórkynningunni Perlan Vestfirðir sem verður haldin um næstu helgi. Þessi sýning í Perlunni var síðast haldin árið 2002 en þá komu hátt í 30 þúsund manns á kynninguna. Fundurinn hefst kl. 15:00 en ennþá er hægt að skrá sig til þátttöku. Eingöngu skráðir þátttakendur koma að efni á básnum á sýningunni og fá kynningu í bæklingum og auglýsingum sem unnið er að og tíminn til að skrá sig til þátttöku fer að styttast.

Eftirtaldir tuttugu og fjórir aðilar hafa skráð sig til leiks og hafa ákveðið að vera með í kynningunni og vinna að því að gera þátt Strandamanna sem glæsilegastan á sýningunni. Allar nánari upplýsingar fást hjá Sigurði Atlasyni verkefnisstjóra í síma 897 6525 eða í netfangi galdrasyning@holmavik.is. Athygli er vakin á því að ennþá er hægt að skrá sig til þátttöku en tíminn til þess fer að styttast. Neðst á síðunni má sjá forsíðu Strandabæklingsins sem verður prentaður strax í byrjun næstu viku.