Formúlan hefst um helgina

Það styttist í það að ökumenn og aðstoðarmenn etji kappi í F1 kappakstrinum en formúlan hefst um helgina. Að venju verður deildin strandir.saudfjarsetur.is opin öllum þeim sem vilja keppa innbyrðis, en deildin stóð uppi sem sigurvegari í deildarkeppninni á síðasta ári þar sem hún atti kappi við hundruðir annarra deilda. Hægt er að skrá lið í leikinn allt keppnistímabilið en stigin byrja að telja strax um helgina. Til að skrá sig í formúluleikinn þarf einfaldlega að fara á slóðina www.formula.is og búa sér til lið og senda síðan beiðni um að ganga í strandir.saudfjarsetur.is deildina. Þátttaka kostar 1000 kr. fyrir allt tímabilið og einungis er hægt að greiða með kreditkorti að þessu sinni.

Þó nokkrar breytingar hafa orðið á útliti vefjarins sem leikurinn fer fram á. Einungis fjögur lið hafa skráð sig í strandir.saudfjarsetur.is deildina nú þegar rétt um tveir dagar eru í að keppnishelgin hefjist. Í fyrra voru liðin 28 talsins. Þeir sem hafa áhuga á að vera með frá upphafi ættu að drífa sig í að skrá liðið sitt, eða eiga ellegar hættu á að tapa stigum í heildarkeppninni.

Það skal bent á að þeir sem hafa áhuga á að etja kappi á móti öðrum liðum í deildinni strandir.saudfjarsetur.is, að stofnuð hefur verið önnur sveit með keimlíku nafni af einhverjum "wannabe-um" eða Strandir. Sú deild hefur ekkert með með hina rótgrónu vinningsdeild strandir.saudfjarsetur.is að gera. Keppendum er því bent á að varast eftirlíkingar.