Dráttarvéladagurinn gekk vel

Heilmikið fjör var á dráttarvéladegi og töðugjöldum í Sævangi í dag, þar sem á boðstólum var kaffihlaðborð, harmonikkuspil, fjölskyldufótbolti, leikir á vellinum og aksturskeppni. Alls tóku 16 keppendur þátt í akstursleikni á gamla Massey Ferguson sem átti að keyra í gegnum flókna þrautabraut með hliðum og keilum. Sigurvegarar í keppninni urðu Sævar Ólafsson kartöflubóndi á bænum Háf í Þykkvabænum á Suðurlandi og Svanhildur Jónsdóttir frá Steinadal í kvennaflokki. Stig allra keppenda eru birt hér að neðan ásamt fjölda mynda úr keppninni.

Endaði þrautin á að menn áttu að bakka með vagn að staur og gekk það misjafnt. Refsistig voru gefin fyrir minnstu mistök, eins og t.d. fyrir að drepa óvart á vélinni, bakka á staurinn, hitta ekki á planka, keyra á keilur, brautarstarfsmenn og drumba og eins ef spýtukallinn Ófeigur sem stóð í vagninum valt um koll. Refsistigin voru síðan lögð við aksturstímann í sekúndum og útkoman í því samanlögðu réði röð keppenda.

Keppendur í karlaflokki:

Keppendur	Tími	Refsistig
	Sekúndur	Keilur	Drumbur	Planki	Súlan	Bakkað	Ófeigur	Samtals
Sævar Óli Ólafsson	117	10						127
Guðbrandur Björnsson	103	10		15			10	138
Karl Þór Björnsson	109					20	10	139
Jón Vilhjálmsson	112	20				20	10	162
Jói	123	20	10				10	163
Hlynur Þorsteinsson	133	30		5				168
Jón Jónsson	95	50	10	5	10		10	180
Brynjar	118	30	10	5		20		183
Ívar	107	60	10	5	10		10	202
Guðmundur	113	50	10	5			drap á +	208
Pétur	126	80	10	5		20	10	251
Victor Örn Victorsson	166	60				20	10	256

Keppendur í kvennaflokki:

Keppendur	Tími	Refsistig
	Sekúndur	Keilur	Drumbur	Planki	Súlan	Bakkað	Ófeigur	Samtals
Svanhildur Jónsdóttir	144	50	10					204
Ásdís Jónsdóttir	144	40		5		20		209
Guðrún	197	60				20		277
Heiðdís Ingvarsdóttir	214	60	10	5		20		309

bottom

Ljósm. Agnes Jónsdóttir

admin

You might also like

Aðalfundur Lífeyrissjóðs Vestfirðinga

Bætur til skel- og innfjarðarækjubáta

Kínverskur matur, karókí og Heiðuball