Danssýning á Hólmavík í dag

Í dag, föstudaginn 9. mars kl. 16:00, verður danssýning í Íþróttamiðstöðinni á Hólmavík og eru allir velkomnir. Danssýningin er í raun lokahátíð dansnámskeiða sem Jón Pétur Úlfljótsson danskennari hjá Dansskóla Jóns Péturs og Köru hefur haldið þessa viku á Hólmavík fyrir nemendur í 1.-10. bekk í Grunnskólanum á Hólmavík. Jón Pétur hefur einnig haldið dansnámskeið fyrir fullorðna, en þeir hyggjast sína listir sínar á dansgólfinu á Góugleði á Hólmavík á laugardagskvöld.