Strandagangan – allir með!

Nú á laugardaginn verður Strandagangan haldin í 11. sinn. Þetta mót hefur verið að eflast með hverju árinu og nú sérstaklega er hugur í forsvarsmönnum Skíðafélags Strandamanna, en góður árangur á síðustu mótum er byr í seglin. Staðan í Íslandsgöngunni er þannig að Strandamenn eru í 5. sæti í keppni héraða en þó skammt á eftir fyrstu sveitum. Þar eru skoðaðir samtals gengnir kílómetrar. 

Hafa skíðagöngumenn á Ströndum hug á að vera í efsta sætinu eftir  heimagönguna og því þarf að virkja sem flesta sem skíðastaf geta valdið. Því er skorað á alla sem einhvern tíma hafa stigið á skíði að mæta í gönguna og ganga 1 km, 5 km, 10 km eða 20 km. Tíminn skiptir minna máli.

Nánari upplýsingar má fá á www.islandsgangan.tk. Ræst verður í gönguna kl. 13:30, en skráning fer fram á staðnum á milli kl. 12:00 og 13:20. Sá sem fyrstur er í 20 km göngunni hlýtur að launum veglegan farandbikar. Eftir göngu er öllum keppendum og starfsfólki boðið í veglegt kaffihlaðborð og verðlaunaafhendingu í Félagsheimilinu á Hólmavík á vegum Skíðafélags Strandamanna.

Hérað	1	2	3	4	5	Samt.
Sauðárkrókur	120	fr	65			185
Húsavík	60	fr	125			185
Ísafjörður	100	fr	80			180
Akureyri	60	fr	115			175
Strandir	80	fr	80			160
Siglufjörður	35	fr	35			70
Kópasker	–	–	10			10
Samtals	455	fr	510			965