Fjöruferð og fuglahræðu gerð á Sauðfjársetrinu

Í gærkvöldi var fjöru- og fuglaskoðunarferð á Sauðfjársetrinu í Sævangi. Gengið var um Orrustutanga, fuglarnir heimsóttir og hreiður skoðuð. Allmörg æðarhreiður voru merkt og einnig skoðuðu gestir sandlóuhreiður, gæsarhreiður og tjaldshreiður. Reistar voru þrjár fuglahræður, ísbjarnafælur og tófuhrellir sem hlutu nöfnin Jósafat, Ískri og Hermína. Á eftir drukku gestir kakó og borðuðu eplapæ og skúffuköku á Kaffi Kind í Sævangi.

Fuglafjör á Sauðfjársetrinu – Ljósm. Dagrún Ósk Jónsdóttir