by 
Mikið fjölmenni var á Bryggjuhátíð á Drangsnesi í gær, í blíðskaparveðri. Dagskráin var þétt skipuð af allra handa skemmtun, dorgveiðikeppnin og sjávarréttasmakkið voru á sínum stað og vinsælt að venju, fjölmargir fóru í bátsferðir í Grímsey, grillað var við samkomuhúsið og kvöldvakan og varðeldur voru sérlega vel heppnuð. Drangsnesingar sigruðu í landsleiknum í fótbolta við Hólmvíkinga og dansleikurinn sem skemmtunin endaði á var fjölsóttur. Fréttaritari strandir.saudfjarsetur.is var á staðnum og tók nokkrar myndir hér og þar í þorpinu.
Löng röð í sjávarréttasmakkið – grásleppan í ostrusósunni var frábær!
Litið til baka á leiðinni í Grímsey
Sölutjöld voru á hátíðinni með handverk og fleira
Björgunarskip frá Skagaströnd var til sýnis
Strandahestar voru á staðnum
Sjávarréttasmakkið sívinsæla
Mikið að gera á grillinu
Menn vönduðu sig að velja góða bita
Ari Jónsson skemmtir
Líf og fjör í heitu pottunum
Rafmagnið fór af Kaupfélaginu um stund – en það reddaðist fljótlega og allir voru kátir
Raggi Torfa stjórnaði kvöldvöku og fjöldasöng eins og herforingi
Allir skemmtu sér vel á kvöldvökunni
Mikil fagnaðarlæti bárust út í Grímsey frá fótboltavellinum – sennilega hafa Drangsnesingar skorað
Siggi Atla sigldi jafnt í logninu, á móti vindinum og undan honum, kannski einhverjir galdrar í spilinu
Ljósm. Jón Jónsson
