Bjarnarfjarðarháls boðinn út

Búið er að bjóða út vegagerð um Bjarnarfjarðarháls, alls um 7,35 km leið frá vegamótum utan við Hálsgötugil við Steingrímsfjörð að Svanshóli í Bjarnarfirði. Þar á að endurleggja Strandaveg (643). Verkinu skal að fullu lokið eigi síðar en 1. september 2017. Útboðsgögn verða seld hjá Vegagerðinni Borgarbraut 66 Borgarnesi og Borgartúni 7 í Reykjavík (móttaka) frá og með mánudeginum 27. júlí 2015. Skila skal tilboðum á sömu stöðum fyrir kl. 14:00 þriðjudaginn 11. ágúst 2015 og verða þau opnuð sama dag. Vegurinn verður 7 metra breiður með bundnu slitlagi og jafnframt stendur til að byggja nýja tvíbreiða brú á Bjarnarfjarðará. Hér má nálgast kynningu á framkvæmdinni.

Helstu magntölur eru:

Skering                                             150.000 m³
– þar af í berg                                      60.000 m³
Fylling, farg meðtalið                       163.000 m³
Neðra burðarlag                                  29.200 m³
Efra burðarlag                                    11.900 m³
Tvöföld klæðing                                 52.700 m²
Frágangur á fláum                            161.000 m²

Á Bjarnarfjarðarhálsi – ljósm. Jón Jónsson