by 
Um komandi helgi verður haldin vetrarhátíð í Strandabyggð sem ber titilinn Hörmungardagar í Strandabyggð. Dagskráin liggur nú fyrir og er birt á vefnum og send heim til íbúa Strandabyggðar og nærsveita. Dagskráin er allfjölbreytt og margt spennandi, furðulegt og framandi á boðstólum. Einnig má nefna að unnin eru ýmis áhugaverð verkefni sem ekki eru beint hluti af dagskránni, t.d. á vegum grunnskóla Hólmavíkur sem hefur unnið því að kynna sér líf og aðstæður flóttamanna víða í heiminum og munu sviðsetja flóttamannabúðir í skólanum. Í Leikskólanum Lækjarbrekku hefur verið ákveðið að styrkja barn í SOS barnaþorpi og munu börnin á leikskólanum sjálf safna fyrir styrknum.
Föstudagurinn 14. febrúar
12:00-13:30 Flóttamannabúðir í Grunnskólanum á Hólmavík
12:40-13:20 Ljótudans í Hnyðju – DJ Sal
13:30-14:00 Kvörtunarþjónusta sveitarfélagsins í Hnyðju – knús í boði.
14:00-16:00 Sýningin Allt á kafi! í Hnyðju. Aðgangur ókeypis. Þjóðfræðistofa safnar frásögnum.
19:00-22:00 Morðgáta og hátíðarkvöldverður á Sauðfjársetrinu. Takmarkað sætaframboð, pantanir s. 823-3324. Aðgangseyrir 6000 kr.
22:00 Sjálfsvorkunnarnámskeið og tónleikar með Svavari Knúti á Kaffi Galdri. Aðgangseyrir 1500 kr.
Laugardagurinn 15. febrúar
11:00-13:00 Brunch á Café Riis.
11:00-14:00 Sýningin Allt á kafi! í Hnyðju. Aðgangur ókeypis. Þjóðfræðistofa safnar frásögnum.
12:00-14:00 Opið á bókasafninu. Hörmulegar bækur og upplestur.
12:00-15:00 Ljóðagjörningur, ljótuljóðakeppni, internetspá, opið hús og vont kaffi á Kaffi Galdri.
14:00 Sorgarljóð í Hólmavíkurkirkju. Kennarar tónskólans standa fyrir tónleikum í samstarfi við nemendur úr unglingadeild og kirkjukórinn. Fjölbreytt tónlist frá hinum ýmsu tímabilum, m.a. verður leikið á selló, langspil, trompet, tölvur og flauelshorn auk söngs. Aðgangur er ókeypis en tekið verður við frjálsum framlögum í hljóðfærasjóð skólans.
16:00 Nöldurkaffi í boði Fýlustrumps í Félagsheimilinu. Danmerkursjóðurinn sér um veitingasölu.
16:40 Hinn hörmulegi og einkar tragíski leikspuni Leikfélags Hólmavíkur um ástarævintýri og sérstaklega sviplegan dauðdaga Rómeó og Júlíu. Félagsheimilinu, frítt inn.
17:00-20:00 For-heimsenda ljóðasýning á Kaffi Galdri. Frítt inn.
19:00 Eurovision hörmung á Café Riis. Frítt inn.
Pizzur, djúpsteiktar rækjur og Eurovision á tjaldi
Hörmungar pubquiz með Dagrúnu Ósk Jónsdóttur og Jóni Jónssyni
Hemúllinn
Júródiskó með DJ Adda
Sunnudagurinn 16. febrúar
12:00 Reiðilosunarratleikur fyrir alla fjölskylduna með Esther Ösp hefst í Hnyðju.
12:00-15:00 Opið á sýningunni Allt á kafi! í Hnyðju. Aðgangur ókeypis.
15:00 Sögustund á Sauðfjársetrinu á Sævangi. Jón Jónsson segir frá drengjunum í Kirkjubólsgili og fleiri sorgaratburðum á Ströndum. Kaffihlaðborð á 1500 kr. fyrir fullorðna og 800 kr. fyrir 6-12 ára börn.
