Verktakafélagið Glaumur í Garðabæ átti lægsta boð

Í dag voru opnuð tilboð í vegagerð í norðanverðum botni Steingrímsfjarðar. Þar á að leggja nýjan veg, samtals 2,8 km á Strandavegi (643) frá vegamótum við Djúpveg að afleggjaranum að Geirmundarstöðum. Aðrir afleggjarar sem fylgja útboðinu eru 400 metrar. Samkvæmt frétt um útboðið á að ljúka verkefninu að fullu fyrir 15. nóvember 2013, en samkvæmt heimildum strandir.saudfjarsetur.is er miðað við að hægt verði að aka veginn og nýta nýju brúna næsta vetur, þótt slitlagið verði ekki komið á í haust. Fimm tilboð bárust og var það lægsta að upphæð 147.706.200.- eða 75,9% af kostnaðaráætlun. Lægsta boð á Verktakafélagið Glaumur ehf í Garðabæ.