Þemadagar í Grunnskólanum Hólmavík

Þemadagar voru í Grunnskólanum á Hólmavík fyrir skemmstu og mikið um dýrðir. Á föstudegi var svo foreldrum og aðstandendum boðið í heimsókn til að sjá afrakstur þemadaganna og var í mörg horn að líta. Heimsóknin hófst á því að lúðrar, flautur og skólabjöllu var hringt með hávaða og látum í sjö mínútur til að minna á baráttuna gegn einelti sem þarf að standa alla sjö daga vikunnar. Síðan gaf að líta margvíslegan afrakstur ólíkra smiðja, en í gangi höfðu t.d. verið leiktækjasmiðja, hljóðfærasmiðja, mósaík- og listasmiðja, matreiðsluhópur, tuskudýragerð og margt margt fleira skemmtilegt.