by 
Öskudagur á 18 bræður segir þjóðtrúin og vissulega verða Strandamenn kátir ef það gengur eftir og veðrið verður svipað næstu daga og það var á öskudaginn. Sólskin í kvöld og stjörnubjart og norðurljósin lýstu upp himinninn í kvöld. Í dag voru allskonar kynjaverur á ferli um Hólmavík og þegar leið á daginn söfnuðust þær saman á öskudagsballi í Félagsheimilinu og slógu þar karamellur úr tunnunni við mikinn fögnuð þeirra sem viðstaddir voru. Ljósmyndari strandir.saudfjarsetur.is smellti af nokkrum myndum á ballinu.
Öskudagur á Hólmavík – ljósm. Jón Jónsson
