Ódýrt bensín til miðnættis

Komið hefur í ljós að bensín hefur að jafnaði verið tveimur krónum of dýrt á Hólmavík síðustu mánuði, ef miðað er við sambærilegar sjálfsafgreiðslustöðvar annars staðar á landinu. Til að leiðrétta þessa skekkju sem stafaði af innbyggðri villu og skemmd á harða diskinum í tölvunni sem stýrir verðlagningu í sjálfsafgreiðslustöðvum um land allt, býðst Hólmvíkingum og nágrönnum nú bensín á tilboðsverði fram til miðnættis í nótt. Verður líterinn seldur á sama verði og líterinn af mjólk til að blekkja tölvuforritið sem stjórnar verðlagningunni, en sama tölva stjórnar tengingum verðs og strikamerkinga í fjölda verslana. Á miðnætti hækkar verðið síðan aftur í fyrra horf, þar sem ekki hefur tekist að gera við forritið.